Lajmet e fundit

Fjala e Ibrahim Makolli, ushtrues detyre i kryetarit të AKR në përvjetorin e ndarjes nga jeta e prof. Arif Krasniqit

Prishtinë, më 13 gusht 2011

Shumë e nderuara familje Krasniqi,

i nderuari kryetar i Prishtinës, z. Mustafa,

të nderuar asambleistë-ish kolegë të Arifit,

të nderuar miq, dashamirë e kolegë të Arifit,

anëtarë të Këshillit Drejtues të AKR-së, të Kryesisë Qendrore, të Degëve të Prishtinës dhe ju

kolegë të pranishëm,

Kam nderin që në emër të zv.kryeministrit Behgjet Pacolli, nën patronatin e të cilit organizohet

kjo akademi përkujtimore të ju përshendes dhe t’ju falënderoj për pjesëmarrjen e juaj në

nderim të figures së shquar të profesorit dhe mikut tone Arif Krasniqi.

Jemi tubuar bashkërisht, për të përkujtuar në një vjetorin e ndarjes nga jeta bashkëpunëtorin,

kolegun, bashkëpartiakun e mikun tonë Arif Krasniqi.

E kam shumë të vështirë të pajtohem dhe e kam shumë më të vështirë të bind veten dhe juve

se më nuk është në mesin tonë njëri nga kolegët dhe bashkëpunëtorët e palodhshëm që prej

ditëve të para të veprimit tonë politik në AKR.

Vdekja e hershme e Arifit ishte humbje jo vetëm për familjen dhe farefisin e tij, por edhe për

AKR-në dhe ne veçanti për neve si bashkëpunëtorë të tij.

Kolegu ynë, Arif Krasniqi ishte i palodhshëm dhe i pandashëm në të gjitha aktivitetet

politiko-pariake jo vetëm në Prishtinë, si koordinator i Degëve të AKR-së dhe shef i Grupit të

Asambleistëve në Kuvendin Komunal, por në gjithë strukturën e AKR-së gjithandej Kosovës.

Arifi ishte i pajisur me virtytet më të larta të një atdhetari, arsim-dashësi e humanisti, virtyt të

cilin arriti me sukses ta bartë dhe tek të tjerët.

Të nderuar pjesëmarrës të kësaj akademie,

Duke qenë i përkushtuar me tërë qenien e tij në arsimimin e brezave të rinj, Ai dha kontribut

të madhë në përgatitjen e tyre profesionale për sfidat me të cilat do të përballej vendi ynë në

të ardhmen.

Arifi përpos që shquhej si veprimtar politik ishte edhe humanist i madh,

Kam nderin që në emër dhe me kërkesë të zv.Kryeministrit të parë të qeverisë së republikës

së Kosovës, z. Behgjet Pacolli të bëjë publikë themelimin e Fondacionin Humanitar “Arif

Krasniqi” i cili do të vazhdojë të mbajë të gjallë përkushtimin e tij për humanitet dhe

solidaritet .

Jeta dhe vepra e profesor Arifit do të jetë udhërrëfyes në veprimet tona.

I përjetshëm qoftë kujtimi për kolegun tonë Arif Krasniqi.